Ռուսաստանի կառավարության ղեկավար Դմիտրի Մեդվեդևը նախագահ Վլադիմիր Պուտինի՝ Դաշնային խորհրդին ուղղված ելույթից հետո հայտարարել է, որ կառավարությունն ամբողջ կազմով հրաժարական է տալիս:
Պուտինի հետ հանդիպմանը Մեդվեդևը հայտարարել է, որ նման որոշումը ճիշտ է համարում սահմանադրական բարեփոխումների վերաբերյալ պետության ղեկավարի հայտարարած առաջարկների ֆոնին:
Վլադիմիր Պուտինը շնորհակալություն է հայտնել կառավարության անդամներին համատեղ աշխատանքի համար, «չնայած ամեն ինչ չէ, որ ստացվել է»: Նա նաև ասել է, որ առաջիկայում կհանդիպի կառավարության անդամներից յուրաքանչյուրի հետ: Առայժմ նա խնդրել է լիարժեք կատարել պարտականությունները, մինչև նոր կառավարության ձևավորումը:
Պուտինը նաև նշել է, որ նախատեսում է սահմանել Անվտանգության խորհրդի նախագահի տեղակալի պաշտոն և այն առաջարկել Մեդվեդևին:
Կարդացեք նաև
https://www.youtube.com/watch?v=2nXWmdZfhTc&feature=emb_title
Պատրաստեց՝ Վիկտորյա ԱՆԴՐԵԱՍՅԱՆԸ
