Ռուսաստանի նախագահ Վլադիմիր Պուտինը հայտարարել է, որ անհրաժեշտ է հանրաքվե անցկացնել՝ Սահմանադրության մեջ փոփոխություններ մտցնելու համար: Այդ մասին նա հայտարարել է Դաշնային խորհրդում իր ելույթում:
Պուտինի խոսքով՝ երկրի հիմնական օրենքում առաջարկվող փոփոխությունները դրա հիմքերին չեն դիպչում, ուստի կարող են հաստատվել խորհրդարանի կողմից՝ գործող ընթացակարգի շրջանակում:
«Հաշվի առնելով, որ առաջարկվող նորարարությունները վերաբերում են քաղաքական համակարգի, գործադիր, օրենսդիր և դատական համակարգերի գործունեությանը՝ կարծում են անհրաժեշտ է կազմակերպել քաղաքացիների քվեարկություն՝ Սահմանադրության փոփոխության վերաբերյալ»,- ասել է Պուտինը՝ հավելելով, որ արդյունքները կընդունվեն համաձայն հանրաքվեի:
Ռուսաստանի նախագահը նշել է, որ մարդկանց կարծիքը՝ որպես ինքնիշխանության իրավունքի կրողների և իշխանության գլխավոր աղբյուրի, պետք է լինի որոշիչ: «Ամեն ինչ վերջին հաշվով մարդիկ են որոշում»,- ասել է նա:
Կարդացեք նաև
Միաժամանակ, Պուտինն ընդգծել է, որ նոր սահմանադրության փոփոխության կարիք չկա, մինչդեռ որոշակի փոփոխություններ, այնուամենայնիվ, պետք են:
Պատրաստեց՝ Վիկտորյա ԱՆԴՐԵԱՍՅԱՆԸ
