ԵԽԽՎ Ադրբեջանի հարցով զեկուցող Սուննա Էվարսդոթիրը դատապարտել է Ադրբեջանի իշխանությունների կողմից Իլգար Մամեդովի և մյուս հնարավոր թեկնածուների բացառումը փետրվարի 9-ին սպասվող խորհրդարանական ընտրություններից:
«Դեկտեմբերի սկզբին Նախարարների կոմիտեն կոչ արեց Ադրբեջանին իրականացնել Մարդու իրավունքների եվրոպական դատարանի որոշումները՝ ապահովելով, որ Իլգար Մամեդովը և մյուս նախկին քաղբանտարկյալները կարողանան գալիք խորհրդարանական ընտրություններում առաջադրվել որպես թեկնածու»,- ասել է Էվարսդոթիրը:
Նրա խոսքով՝ Ադրբեջանը չի կատարել իր պարտավորությունները, որով ցույց է տալիս իր արհամարհանքը Դատարանի և Նախարարների կոմիտեի և ոչ հարգալից վերաբերմունքը՝ օրենքի գերակայության նկատմամբ: «Իրական ընդդիմությանը դուրս թողնվելով ընտրական գործընթացից՝ գործող վարչակազմը բացահայտում է իր՝ գնալով ոչ ժողովրդավար դարձող բնույթը»,- ասել է նա:
Զեկուցողը նշել է, որ այս իրավիճակն առաջ է բերում աննախադեպ լրջությամբ իրավական և քաղաքական ճգնաժամ: «Նախարարների կոմիտեն պետք է որոշի՝ ինչ հետագա քայլեր ձեռնարկել»,- եզրակացրել է նա:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
