Եվրախորհրդարանում սոցիալ-դեմոկրատների խմբակցությունը դատապարտել է ԱՄՆ նախագահ Դոնալդ Թրամփի քաղաքականությունը Մերձավոր Արևելքում, մասնավորապես Իրանի հետ հարաբերությունները սրելու նրա վերջին քայլերը:
«Դոնալդ Թրամփի անխոհեմ գործողությունները Մերձավոր Արևելքում և նրա կողմից սադրիչ ու անհամաչափ էսկալացիան,որի գագաթնակետը դարձավ գեներալ Սոլեյմանիի սպանությունը, տարածաշրջանում ձևավորել են անկայունության երբևէ ամենավտանգավոր պարույրը: Մենք՝ որպես ԵՄ, պետք է հասնենք համապատասխան բոլոր կողմերին՝ և տարածաշրջանային, և՛ միջազգային, շուտափույթ կերպով առաջ մղելու երկխոսություն և դիվանագիտական պատասխաններ ԱՄՆ-ի, Իրանի և Իրաքի միջև չլուծված հարցերի շուրջ՝ հանուն տարածաշրջանում քաղաքական լուծման: Առաջնահերթ կարևորություն ունի նաև պահպանել Իրանի հետ միջուկային գործարքը, հանուն ոչ միայն տարածաշրջանում, այլև մեր մայրցամաքում անվտանգության: ԵՄ-ը պետք է նաև շարունակի և անհրաժեշտության դեպքում ակտիվացնի իր աջակցությունը՝ հանուն Իրաքի միասնականության և ժողովրդավարության: Սա հատկապես կարևորվում է, եթե ԱՄՆ-ը լիարժեք հետ քաշվի: Ի վերջո, վերջին իրադարձությունները ևս մեկ անգամ ընդգծում են ԵՄ-ի և ԱՄՆ ներկա վարչակազմի միջև հայացքների լայնացող անդունդը: Դա պահանջում է պարադիգմի փոփոխություն տրանսատլանտյան հարաբերություններում, ինչպես նաև Մերձավոր Արևելքում ԵՄ դերակատարության վերագնահատում»,- հայտարարել է խմբակցության՝ արտաքին քաղաքականության հարցերով փոխնախագահ Քաթի Փիրին:
Պատրաստեց՝ Վիկտորյա ԱՆԴՐԵԱՍՅԱՆԸ