«Համենայն դեպս՝ այն արտահայտությունը, որը նախորդ նիստում էր արվել…Իհարկե՝ սպառնալիք է»,-լրագրողների հետ զրույցում այսօր ասաց Մարտի 1-ի գործով ՀՀ սահմանադրական կարգի տապալման համար մեղադրվող, մարտյան իրադարձությունների ժամանակ ՀՀ ԶՈՒ ԳՇ պետի պաշտոնը զբաղեցրած Սեյրան Օհանյանը՝ անդրադառնալով այսօրվա նիստում տեղի ունեցածին:
https://www.facebook.com/aravot.am/videos/2205375609768889/
Հիշեցնենք՝ նիստը հետաձգվեց, քանի որ մեղադրյալներից Յուրի Խաչատուրովի պաշտպան Միհրան Պողոսյանը չէր եկել՝ պատճառաբանելով իր քայլն այն հանգամանքով, որ դատարանը պատշաճ չի արձագանքել նախորդ նիստում Մարտի 1-ի տուժողներից մեկի իրավահաջորդ Էդիկ Հարությունյանի այն հայտարարությանը, թե՝ «հարգեք Մարտի 1-ը, այլապես դուք էլ կընկնեք մեր օրին»: Պաշտպանը դա իրենց հասցեին սպառնալիք է համարել:
Սեյրան Օհանյանը կարծում է, որ նախորդ նիստի արձանագրության ձայնագրությունը պետք է հրապարակեին:
Կարդացեք նաև
Ինչ վերաբերում է փաստին, որ Խաչատուրովի պաշտպան Միհրան Պողոսյանը չի ներկայանում, ինչի պատճառով նիստը հետաձգվեց, Սեյրան Օհանյանն ասաց, որ հաջորդ նիստում իրավիճակը պարզ կլինի:
Իսկ հարցին՝ «ձեր որդին մասնակցե՞լ է Մարտի 1-ին, նման հրապարակում եղավ մամուլում», Սեյրան Օհանյանը չպատասխանեց:
Լուիզա ՍՈՒՔԻԱՍՅԱՆ
