Եղվարդ քաղաքի մի խումբ բնակիչներ այսօր բողոքի ցույց էին անում. նրանք դեմ են համայնքի ծննդատան փակմանը: Նրանք պնդում են՝ շատ գոհ են իրենց համայնքի ծննդօգնությունից:
Քաղաքացիներից մեկի պատմելով՝ հարսը վերջերս է ծննդաբերել Եղվարդի ծննդատանը, բուժանձնակազմը «մաղարիչ»-ից էլ է հրաժարվել. «Հարսս ասում էր՝ եթե նույնիսկ ոչ մի բան էլ չանեն, չսրսկեն, մենակ իրենց վերաբերմունքից հիվանդը կլավանա: Ինչի՞ եք փակում: Որ լավ սպասարկում է, դրա՞ համար:
Ծննդօգնության բարեփոխումների ծրագրով նախատեսվում է մարզային մի շարք ծննդատներ փակել: Ըստ այդ ծրագրի, Մարալիկ եւ Աչաջուր համայնքների ծննդատներն արդեն փակվել են, առողջապահության նախարարությունը վստահեցնում է՝ այս համայնքի բնակիչները կարող են օգտվել մոտակա համայնքում գործող ծննդատնից: Այս ծննդատները փակվում են, քանի որ ծնունդների թիվն է շատ քիչ, եւ չկան համապատասխան նեղ մասնագետներ:
Նախատեսվում է նաեւ Եղվարդի ծննդատունը փակել. այսօր մի խումբ եղվարդցիներ պետք է մարզպետի հետ հանդիպեին: Առողջապահության նախարարը հավաստիացնում է՝ Եղվարդի հղիները կարող են Երեւանի ծննդատների ծառայություններից օգտվել:
Կարդացեք նաև
Նելլի ԲԱԲԱՅԱՆ
