«Չգիտեմ, թե ինչ խնդրի մասին է խոսքը, որն ամուսնանալով կանցնի կամ ոչ… Ամուսնանալով ամեն հարց չի լուծվում: Երբեմն շատերի խնդիրներն առաջանում են հենց ամուսնանալուց»,-Aravot.am-ի հետ զրույցում ասաց ԲՀԿ պատգամավոր Գեւորգ Պետրոսյանը:
Հիշեցնենք, որ հանրային-քաղաքական գործիչների շրջանում այս օրերին քննարկվում է «Իմ քայլի»« պատգամավոր Կարեն Սարուխանյանի՝ նույն խմբակցության պատգամավոր Սոֆիա Հովսեփյանի հասցեին սոցցանցային հարթակում հնչեցրած արտահայտությունը՝ «ամուսնացիր, կանցնի»:
Գեւորգ Պետրոսյանը նշեց, որ Սոֆիա Հովսեփյանի մասին բարձր կարծիք ունի. «Նա օբյեկտիվ մարդ է, եւ չեմ կարծում, որ նրա քաղաքական հայացքները պայմանավորված կլինեն նրա ընտանեկան կարգավիճակի փոփոխությամբ: Պատգամավորներ կան, որ ամուսնանան-չամուսնանան, մեկ է՝ նույն խելքին են: Կնոջը «ամուսնացիր՝ կանցնի»-ով դիմելը չգիտեմ, թե ինչի հետ է կապված: Իմ խորին համոզմամբ՝ Սոֆիա Հովսեփյանը կայացած անձնավորություն է, եւ ընտանեկան կարգավիճակը չպետք է ազդի նրա կարծիքների եւ քաղաքական հայացքների վրա»:
Կարդացեք նաև
Լուիզա ՍՈՒՔԻԱՍՅԱՆ
