Իսլամական հեղափոխության պահապանների կորպուսի հրամանատար Հոսեյն Սալամին ներողություն է խնդրել ուկրաինական օդանավը խոցելու համար՝ հայտարարելով, որ ավելի լավ կլիներ ինքն էլ խոցված ինքնաթիռի ուղևորների մեջ լիներ և զոհվեր, քան կրեր այդպիսի ճակատագրական սխալի ամոթը:
«Երդվում եմ, ավելի լավ է՝ ես էլ օդանավում լինեի և բոլորի հետ զոհվեի ու այրվեի, բայց չտեսնեի այս ողբերգական միջադեպը,- ասել է գեներալ Հոսեյն Սալամին:- Իմ ամբողջ կյանքում ես երբեք այսքան ամոթ չեմ զգացել: Երբե՛ք»:
Հիշեցնենք, Թեհրանի օդանավակայանի մոտ տեղի ունեցած ավիավթարի հետևանքով զոհվել է 176 մարդ: Իրանը հայտարարել է, որ «մարդկային սխալի» հետևանքով ինքն է պատահաբար խոցել մարդատար օդանավը:
Պատրաստեց՝ Վիկտորյա ԱՆԴՐԵԱՍՅԱՆԸ
