Ուկրաինայի նախագահ Վլադիմիր Զելեսնկին հույս է հայտնել, որ Իրանը պատրաստ կլինի պատասխանատվության ենթարկել ուկրաինական օդանավի ավիավթարի մեղավորներին: Այդ մասին նա գրել է Facebook-ի իր էջում:
«Մենք Իրանից սպասում ենք հավաստիացումներ, որ պատրաստակամ է լիարժեք և բացահայտ քննության՝ պատասխանատվության ենթարկելու մեղավորներին, վերադարձնելու զոհերի մարմինները, փոխհատուցում վճարելու, պաշտոնապես դիվանագիտական խողովակներով ներողություն խնդրելու»,- ընդգծել է նախագահը:
Զելենսկին հույս է հայտնել, որ քննությունը կընթանա առանց արհեստական ձգձգումների և խոչընդոտների: Նա պնդել է, որ 45 ուկրաինացի մասնագետներ պետք է լիարժեք հասանելիություն ստանան տվյալներին և համագործակցեն՝ արդարության վերականգնման համար:
Հիշեցնենք, այսօր ավելի վաղ Իրանը պաշտոնապես ընդունել էր, որ «մարդկային սխալի» հետևանքով իրենք պատահաբար խոցել էին մարդատար օդանավը, որի հետևանքով զոհվել էր 176 մարդ:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
https://www.facebook.com/zelenskiy95/posts/2434192646831097
