ԱՄՆ-ը նոր պատժամիջոցներ է սահմանել իրանցի 8 պաշտոնատար անձանց նկատմամբ, որոնք պատասխանատու են ամերիկյան ռազմաբազայի վրա հարվածի համար: Այս մասին այսօր տեղի ունեցած ճեպազրույցում հայտարարել է ԱՄՆ ֆինանսների նախարար Սթիվեն Մնուչինը:
«Մենք գործողություններ ենք ձեռնարկում 8 իրանցի բարձրաստիճան պաշտոնյաների նկատմամբ, որոնք մասնակցել են իրավիճակի ապակայունացմանը և ներգրավված են եղել երեքշաբթի բալիստիկ հրթիռներով հարձակման գործում»,- հայտարարել է նա:
Պատժամիջոցներ, մասնավորապես, սահմանվել են Իրանի ազգային անվտանգության գերագույն խորհրդի քարտուղար, երկրի նախկին պաշտպանության նախարար Ալի Շամխանիի, Նպատակահարմարության հարցով խորհրդի (Իրանի բարձրագույն ղեկավարությանը կից խորհրդակցական մարմին) անդամ, զորահրամանատար, բրիգադի գեներալ Մոհամեդ Ռեզա Նաղդիի նկատմամբ:
Պատժամիջոցների տակ են հայտնվել նաև «գերագույն առաջնորդի աշխատակազմում անվտանգության համար պատասխանատու բարձրաստիճան պաշտոնատար անձ» Ալի Ասղար Հեջազիի, ինչպես նաև գերագույն առաջնորդի աշխատակազմում միջազգային հարցերով խորհրդականի տեղակալ և միջազգային հարցերով գերագույն առաջնորդի խորհրդական Մոհսեն Ղոմիի նկատմամբ:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
