Ռուսաստանի տրանսպորտի նախարարությունը խնդրել է ԱԳՆ-ին՝ քննարկել Սիմֆերոպոլ-Երևան ուղղությամբ չվերթներ բացելու հնարավորությունը: Այս մասին հաղորդում է ՏԱՍՍ-ը՝ վկայակոչելով նախարարության մամուլի ծառայությունը:
«Ռուսաստանի տրանսպորտի նախարարությունը նամակ է ուղարկել Ռուսաստանի ԱԳՆ՝ խնդրելով քննարկել այդ հարցը և դրական որոշում ընդունելու պարագայում նոտա ուղարկել Հայաստան»,- ասել են մամուլի ծառայությունից:
Միաժամանակ Հայաստանի տարածքային կառավարման և ենթակառուցվածքների նախարարությունից և Քաղաքացիական ավիացիայի կոմիտեից գործակալությանն ասել են, որ նման չվերթի գործարկման գաղափարներ չկան:
Ավելի վաղ ռուսական լրատվամիջոցներում տեղեկատվություն էր տարածվել, որ ընթացիկ տարվա մարտից Սիմֆերոպոլ-Երևան չվերթ է գործարկվելու: Ավելի ուշ տեղեկատվությունը հերքվեց Հայաստանի քաղաքացիական ավիացիայի կոմիտեի կողմից:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
