Իրանը վրեժ է լուծել գեներալ Ղասեմ Սոլեյմանի սպանության համար և չի ձեռնարկի նոր ռազմական գործողություններ, եթե ԱՄՆ-ը նոր ագրեսիա չիրականացնի: Այս մասին հայտարարել է ԱՄՆ-ում Իրանի մշտական ներկայացուցիչ Մաջիդ Թախթ-Ռավանչին՝ ռուսական ՏԱՍՍ գործակալության հետ խոսելով ԱՄՆ նախագահ Դոնալդ Թրամթի հայտարարությանը Իրանի արձագանքի մասին:
«Մեր բոլոր գործողությունները համաչափ էին Ղասեմ Սոլեյմանիի սպանությանը: Դրանք ավարտված են: Եթե ԱՄՆ-ը այլևս չձեռնարկի ռազմական գործողություններ Իրանի նկատմամբ, մեր կողմից մենք նույնպես չենք ձեռնարկի այդպիսի գործողություններ»,- ընդգծել է նա:
Դիվանագետը հավելել է, որ իսլամական հանրապետությունը գործել է բացառապես ՄԱԿ-ի Կանոնադրության 51-րդ հոդվածին համապատասխան՝ իրականացնելով ինքնապաշտպանության իր իրավունքը: «Եթե ԱՄՆ-ը, այնուամենայնիվ, որոշի ռազմական գործողություններ ձեռնարկել, Իրանը այլ ճանապարհ չի ունենա, քան պատասխանել»,- ասել է Թախթ-Ռավանչին:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
