Այսօր Ռոբերտ Քոչարյանի պաշտպան Հայկ Ալումյանը ՎՃռաբեկ դատարան բողոք է ներկայացրել: Այս մասին ասաց Հայկ Ալումյանը՝ Aravot.am-ի հետ զրույցում: Պարոն Ալումյանի բողոքը Վերաքննիչ քրեական դատարանի դատավոր Լուսինե Աբգարյանի որոշման դեմ է:
Ինչպես հայտնի է Վերաքննիչ դատարանը մերժել էր Ռոբերտ Քոչարյանի նկատմամբ որպես խափանման միջոց գրավի կիրառումն անթույլատրելի ճանաչելու՝ առաջին ատյանի դատարանի որոշումը վիճարկող պաշտպանների միջնորդությունը:
Թե Վճռաբեկը երբ կլսի Քոչարյանի պաշտպանի բողոքը, Aravot.am-ի հարցին, Հայկ Ալումյանն ասաց՝ Վճռաբեկ դատարանին հնարավոր չէ կանխատեսել. «Ավելի հեշտ է, որ Սուրենյանը մյուս տարվա եղանակը կանխատեսի, քան Վճռաբեկ դատարանի գործողությունները կանխատեսենք»:
Լուսինե ԲՈՒԴԱՂՅԱՆ
