Արծրուն Հովհաննիսյան. «Խնդրել եմ շատ զենքեր Հայաստանի համար: Գիտեմ, ակնկալում էիք լսել խաղաղություն: Շատ լավ հասկանում եմ, որ խաղաղությունը բանակի մարտունակությամբ է ապահովվում: Դրա համար եմ շատ զենքեր ուզում, որ խաղաղությունը լավ ապահովվի եւ զենքի կիրառման հնարավորությունը քչանա»:
Լեւոն Քոչարյան. «Ձմեռ Պապիկին խնդրել եմ, որպեսզի օգնի մարդկանց տարբերել սուտն ու ճիշտը, չարն ու բարին, առաջնայինն ու երկրորդականը»:
Կարդացեք նաև
Դավիթ Խաժակյան. «Ձմեռ Պապիկին խնդրել եմ՝ 2020 թվականի համար ինձ տալ ամուր նյարդեր խնդիրներին մոտենալու համար: Խնդրել եմ արգելափակել ֆեյսբուքյան ֆեյքերին, որովհետեւ նրանք փչացնում են մարդկանց ընկալումները եւ բացասաբար ազդում մարդկանց գիտակցության վրա: Ձմեռ Պապիկին խնդրել եմ, որպեսզի հեռու պահի մեր երկիրը ցնցումներից, իսկ եթե դա չստացվի, մեր ժողովրդին ուժ եւ ողջախոհություն հաղորդի, որպեսզի կարողանանք արժանապատվորեն դիմակայել խնդիրներին:
Անձնական կյանքիս համար Ձմեռ Պապին խնդրել եմ՝ ուրախություն բերի աղջկաս եւ առողջություն՝ տատիկիս ու պապիկիս: Նյութական առումով դիմել եմ՝ օգնի արագ փակել վարկերս»:
Աշոտ ՀԱԿՈԲՅԱՆ
