«ՃԵ ոլորտի մոտ 100 զանցակազմերից, իրավախախտումների տեսակներից տուգանային միավորներ նախատեսել ենք 25-ի համար: Դրանք այն իրավախախտումներն են, որոնց կատարմամբ առավելապես պայմանավորվում են հատկապես ծանր հետեւանքով ՃՏՊ-ները, կամ այն պատահարներն են, որոնց հետեւանքով հաճախ ունենում ենք ՃԵ մեծ տատանումներ, խցանումներ կամ շատ ծանրաբեռնված երթեւեկությամբ փողոցներ:
Այս տուգանային միավորների ներդրումով որոշ իրավախախտումների համար նախատեսվել է քրեական պատասխանատվություն: Մասնավորապես, ներկայումս գործող զրկված վիճակում տրանսպորտային միջոց վարելուն ավելացվել է իրավունքը կասեցված վիճակում տրանսպորտային միջոց վարելը:
Քրեական պատասխանատվություն է նախատեսվում նաեւ տրանսպորտային միջոց վարելու իրավունք չունեցող անձի կողմից մեկ տարվա ընթացքում երկրորդ անգամ նմանատիպ արարք կատարելու պարագայում»,-այսօր լրատվամիջոցների հետ հանդիպման ժամանակ հայտարարեց Ճանապարհային ոստիկանության պետի տեղակալ Արման Չիլինգարյանը:
Աշոտ ՀԱԿՈԲՅԱՆ
