ՀՀ ԶՈՒ գլխավոր շտաբի պետ Արտակ Դավթյանից լրագրողներն այսօր հետաքրքրվեցին՝ «Իմ քայլը» խմբակցության պատգամավոր Հայկ Սարգսյանը տասը միլիոն դրամի դիմաց արագացված զինծառայություն անցնելու օրինագիծ է հեղինակել, ինչպե՞ս կմեկնաբանի: Վայրկյանների լռությունից հետո Արտակ Դավթյանը պատասխանեց՝ «մի խոսքով՝ վատ», ինչն առաջացրեց լրագրողների ծիծաղը:
«Ո՞նց մեկնաբանեմ, երբ գումարով առաջարկվում է ազատվել զինծառայությունից: Մեր հանրությունը, ունենալով մոտեցումներ, շատերն իրենց տները կծախեն, այդ տասը միլիոնը կտան…ուրիշ բան, եթե հարյուր միլիոնի մասին խոսենք: Գուցե այդտեղ մտածելու բան լինի, կտեսնեինք՝ քանի՞ հոգի կտար այդ գումարն ու կազատվեր: Իհարկե, նման բան չի կարող լինել»,-նշեց արեց Արտակ Դավթյանը:
Լուիզա ՍՈՒՔԻԱՍՅԱՆ
Կարդացեք նաև
