«Ռազմական բյուջեն, ընդհանուր առմամբ, ավելանում է: Մի քիչ շատ, թե մի քիչ պակաս, դա արդեն ուրիշ հարց է: Որքան էլ շատ լինի, զինվորականներիս, միեւնույնն է, դա չի բավարարելու, որովհետեւ ավելին ենք ուզում»,-այսօր լրագրողների հետ հանդիպմանն ասաց ՀՀ ԶՈՒ գլխավոր շտաբի պետ Արտակ Դավթյանը:
https://www.facebook.com/aravot.am/videos/1552891281533671/?v=1552891281533671
Նրա խոսքով. «Պետության ողջ բյուջեն էլ տան՝ չի բավարարի, բայց մենք ուրիշ ճանապարհով գնացինք: Պետության հատկացումներին զուգահեռ իրականացրել ենք միջոցների վերաբաշխում, որի արդյունքում ավելի շատ միջոցներ ուղղվեցին սպառազինության գնմանը: Բացի այդ, երկարաժամկետ պայմանագրեր ենք կնքել վարկով ավտոտրանսպորտային միջոցների ձեռքբերման համար: Գումարը վճարելու ենք մաս-մաս՝ պետության բյուջեի հատկացումներով, բայց անհրաժեշտ ողջ քանակն ունենք»:
ԳՇ պետը հավելեց, որ նվիրատվությունների եւ բարերարների օգնությունների մասին չէ խոսքը. «Եթե նեղն ենք ընկնում, դիմում ենք կառավարությանը, նա էլ աջակցում է»: Արտակ Դավթյանը նշեց, որ սպառազինության գնման գործընթացը շարունակվում է, տեղական արտադրողներից գնումները՝ եւս:
Կարդացեք նաև
Լուիզա ՍՈՒՔԻԱՍՅԱՆ
