«Հարուցվել է քրեական գործ, ուստի ձեռնպահ կմնամ մեկնաբանելուց, թե ինչի հետ է կապված այդ դեպքը: Մենք իրականացրել ենք ծառայողական քննություն, հետեւություններ կկատարենք: Բոլոր նյութերը տրամադրված են իրավապահներին, ընթանում է նախաքննություն»,-այսօր լրագրողների հետ հանդիպմանն անդրադառնալով եզդի զինծառայող Արթուր Աջամյանի մահվան փաստին եւ նրա ընտանիքի անդամների բողոքի գործողություններին՝ ասաց ՀՀ ԶՈՒ գլխավոր շտաբի պետ Արտակ Դավթյանը:
Հիշեցնենք, որ Աջամյանը մահացու հրազենային վիրավորում էր ստացել դեկտեմբերին: Աջամյանի ծնողներն այսօր կառավարության դիմաց ցանկանում էին հանդիպել վարչապետ Նիկոլ Փաշինյանին:
https://www.facebook.com/aravot.am/videos/543991446447612/
ԳՇ պետ Արտակ Դավթյանը մահացած զինվորի ընտանիքին կոչ արեց հաշվի առնել, որ կարճ ժամանակում հնարավոր չէ բոլոր փորձաքննություններն ավարտել. «Դրանց ավարտին իրավապահները կարող են գնահատական տալ՝ սպանությո՞ւն էր, թե այլ որակավորում է պետք: Ուստի, ցավակցելով հարազատներին, առաջարկում եմ համբերատար լինել: Սպասենք իրավապահների որոշմանը»:
Կարդացեք նաև
Արտակ Դավթյանը նաեւ նշեց, որ բանակում սպանության եւ ինքնասպանության հասցնելու դեպքերի փոքր ինչ աճ է գրանցվել (այս տարի՝ 14), թեեւ նվազել է հակառակորդի կրակոցների թիվը:
Լուիզա ՍՈՒՔԻԱՍՅԱՆ
