Ձմեռային զորակոչի ընթացքում 27 տարին չլրացած 6-7 անձ արտերկրից վերադարձել է ՀՀ եւ զորակոչվել բանակ, սակայն ՀՀ ՊՆ-ն այս պահին չունի տվյալներ, թե 27 տարին լրացած եւ պարտադիր զինծառայությունից խուսափած քանի անձ կա, որ պատրաստակամ է օրենքով սահմանված գումարը վճարել եւ վերադառնալով՝ ազատվել քրեական պատասխանատվությունից: Այս մասին այսօր լրագրողների հետ հանդիպմանն ասաց ՀՀ ԶՈՒ գլխավոր շտաբի պետ Արտակ Դավթյանը:
https://www.facebook.com/aravot.am/videos/1193840894145313/
«Զորակոչը մինչեւ հունվարի 30-ն է: Այդ ժամանակ հնարավոր կլինի ասել, թե վերադարձածները քանիսն են: Մնացած դեպքերում օրենքը նախատեսված է մինչեւ դեկտեմբերի 31-ը»,-նշեց Արտակ Դավթյանը:
Հիշեցնենք, որ պարտադիր զինծառայությունից խուսափած 27 տարին լրացած անձանց 2020թ.-ի հունվարի մեկից այլեւս չեն ների. նրանք այլեւս հնարավորություն չեն ունենա վճարելու բաց թողած զորակոչերի համար եւ վերադառնալ ՀՀ:
Կարդացեք նաև
Լուիզա ՍՈՒՔԻԱՍՅԱՆ
