Հոկտեմբերի 27-ին ՀՀ պետության դեմ կատարված ահաբեկչության կազմակերպիչների, հովանավորների մասով կարճված գործը նորից կգնա քննության: Այսօր ասուլիսում այս առնչությամբ հարցին ի պատասխան՝ ԱԺ պաշտպանության եւ անվտանգության հարցերի հանձնաժողովի նախագահ Անդրանիկ Քոչարյանն ասաց. «Դատախազն արդեն իր որոշումը կայացրել է՝ 27-ի հետ կապված, դա մեր ամենազգայուն բանն է, հասարակությունը սպասում է դրա բացահայտման հնարավոր իրողություններին:
Մարտի 1-ի գործը տեսնում եք ինչպես է ընթանում, Ռոբերտ Քոչարյանի պաշտպաններն ինչպիսի ջանասիրությամբ փորձում են դատաքննությունը հեռացնել անորոշ ժամկետով, որպեսզի այդ գործընթացը մնա անորոշության մեջ: Հիմա դրան կմիանա Հոկտեմբերի 27-ը՝ իր բոլոր դժվարություններով:
Նաեւ պետք է մտածենք հիմա նախաքննական մարմնի կարողությունների եւ քննչական խմբի ուժեղ կազմ ունենալու մասին, որովհետեւ շատ տարիներ են անցել եւ հիմնական վկաները, գիտեք, անհասկանալի պայմաններում մահացել են: Բայց կան շատ ավելի կարեւոր վկայություններ տվողներ»:
Կարդացեք նաև
Հռիփսիմե ՋԵԲԵՋՅԱՆ
