Aravot.am-ի հետ զրույցում խոսելով ԵՊՀ ուսխորհրդի նախագահ Դավիթ Ափոյանին անօրինական բերման ենթարկելու գործողությունների մասին «Հայաստանի հելսինկյան կոմիտե» ՀԿ-ի նախագահ, իրավապաշտպան Ավետիք Իշխանյանը նշեց. «Ուղղակի զարմանալի են այսօրվա ոստիկանության գործողությունները: Նախ, որքան հետեւեցի լրահոսին` Դավիթ Ափոյանին ցանկացել են հարցաքննել որպես վկա: Իսկ եթե որպես վկա են ցանկացել հարցաքննել, ապա ՀՀ եւ միջազգային բոլոր օրենքները պահանջում են, որ լինի ծանուցագիր: Կամ ի՞նչ է նշանակում վկային ձեռնաշղթաներով տանեն ոստիկանության բաժին»:
Նրա գնահատմամբ, կատարվածը ոչ միայն հետապնդում է, այլեւ ոստիկանության կողմից կամայականություն եւ ահաբեկում: «Ուրիշ որակումներ չեմ կարող տալ ոստիկանության այս գործողություններին: Ի դեպ, այդ երիտասարդին չեմ էլ ճանաչում:
Իսկ ի՞նչ պետք է հետեւի դրա դրան: Եթե հավատանք ՀՀ նոր իշխանություններին, որ Հայաստանը գնում է իրավական պետության ճանապարհով, ապա այդ հրաման տվողները եւ կատարողները պետք է պատժվեն»
Գոհար ՀԱԿՈԲՅԱՆ
Կարդացեք նաև
Լուսանկարը՝ ԵՊՀ Ուսխորհրդի կայքից
