Դեկտեմբերի 21-ին Կիևում կայացավ Ուկրաինայի հայերի միության տարեկան ամփոփիչ համաժողովը։ ՈւՀՄ-ն միակ համաուկրաինական հասարակական կազմակերպությունն է, որը միավորում է երկրի բոլոր մարզերի հայկական համայնքները և երիտասարդական կազմակերպությունները։ Համագումարն ամփոփել է ՈՒՀՄ պատմամշակութային, կրթական, սպորտի, կանանց հանձնաժողովների, մարզային համայնքների աշխատանքը։
Համաժողովին մասնակցեցին շրջանային համայնքների բոլոր ղեկավարները, դիվանագետներ, Գերագույն ռադայի պատգամավորներ, քաղաքական գործիչներ, հոգևորականության ներկայացուցիչներ, հասարակական և մշակութային գործիչներ։ Միջոցառմանը ներկա են եղել նաև Ուկրաինայի Վերին Ռադայի ու Հայաստանի պատգամավորները, մասնավորապես՝ Հայաստանի հետ Ուկրաինայի խորհրդարանի միջկառավարական կապերի հարցերով պատգամավորական խմբի անդամները՝ Արտեմ Դմիրտրուկի գլխավորությամբ, եւ Հայաստանի խորհրդարանի ներկայացուցիչները՝ Հովհաննես Իգիթյանի գլխավորությամբ, ինչպես նաեւ Հայաստանի Հանրապետության սփյուռքի հարցերով գլխավոր հանձնակատար Զարեհ Սինանյանը: Համագումարի ընթացքում կայացավ նաև Երևանում կառուցվող այգու շնորհանդեսը։ Դա Ուկրաինայի հայերի միության նվերն է Հայաստանի մայրաքաղաքին։ Հայաստանում սքեյթի համար այգու կառուցման նախագիծը, որը նախաձեռնվել էր ճարտարապետ Արմեն Շատվորյանի կողմից: Երեւանի քաղաքապետարանի միջազգային կապերի բաժնի պետ Դավիդ Գևորգյանը նշել է այդպիսի սոցիալական համագործակցության հեռանկարները:
Համաժողովի հատուկ հյուրերն էին նաև մեդիափորձագետներ Սամվել Մարտիրոսյանը, Լրագրողների անկախ արհմիության նախագահ Լևոն Սարդարյանը, քաղաքական փորձագետ Ռուբեն Մեհրաբյանը, մեդիափորձագետներ Մարիա Ավանեսյանը և Նաիրի Հոխիկյանը, մշակույթի, գիտության առաջատար գործիչներ եւ այլ հյուրեր՝ Ուկրաինայից ու Հայաստանից:
Նիստի շրջանակում կայացել է ՈՒՀՄ կրթաթոշակային ծրագրի մրցանակակիրների չորրորդ պարգեւատրման արարողությունը, որում ընտրվել էին ուսանողներ Ժաննա Հովհաննիսյանը, Թամարա Հովհաննիսյանն ու Սուսաննա Խաչիկյանը: Գործնական մասին հաջորդել էր գալա համերգը, որին մասնակցել են ուկրաինացի եւ հայ աստղերը: Կայացել է նաեւ պարգեւատրում՝ հայ-ուկրաինական հարաբերություններում ներդրում ունենալու համար: Մրցանակի են արժանացել հայտնի փորձագետներ, քաղաքական գործիչներ, լրագրողներ, մշակույթի գործիչներ եւ գիտնականներ:
Կարդացեք նաև
2019- ը ՈւՀՄ-ում հայոց լեզվի տարի էր։ Հատուկ ուշադրության են արժանացել կրթության ոլորտին առնչվող խնդիրները, ուսուցիչների վերապատրաստումը։ ՈւՀՄ նախագահ Վիլեն Շատվորյանը հայտարարեց 2020-ը՝ Ուկրաինա-Հայաստան բարեկամության, կապերի ամրապնդման տարի։
https://www.youtube.com/watch?v=OPGYPurS5go
Ուկրաինայի հայերի միություն
