2019թ-ը կորսված տարի էր Լեռնային Ղարաբաղի հակամարտության կարգավորման համար: Այս մասին հայտարարել է Ադրբեջանի նախագահ Իլհամ Ալիևը երկրի 4 խոշոր հեռուստաալիքներին տված հարցազրույցում:
«Հայաստանի իշխանությունները զբաղեցնում են ապակառուցողական դիրքորոշում, և բանակցությունների ընթացքում ձեռք չի բերվել ոչ մի լուրջ առաջընթաց: Հայաստանի ղեկավարության հակասական և իրար բացառող հայտարարությունները միայն հիասթափություն են առաջացնում»,- ասել է նա:
Ալիևը նշել է, որ Հայաստանի նոր ղեկավարությունը սկզբում պահանջում էր, որ Ադրբեջանը բանակցություններ վարի ոչ թե Երևանի, այլ ԼՂ հայերի հետ, ինչը կտրականապես մերժվել է: Դրան աջակցել է նաև Մինսկի խումբը, և բանակցությունները, նախկինի պես, ընթացել են Երևանի և Բաքվի միջև:
Դրանից հետո, Ալիևի խոսքով, Հայաստանն առաջ է քաշել նոր թեզ՝ «Ղարաբաղը Հայաստան է և վերջ», ինչը նույնպես մերժել են և՛ միջազգային միջնորդները, և՛ Ադրբեջանը:
Կարդացեք նաև
«Մեր սկզբունքային դիրքորոշումն անփոփոխ է. հարցը պետք է լուծվի Ադրբեջանի տարածքային ամբողջականության շրջանակում, ինչը ընդունվում և աջակցություն է ստանում միջազգային հանրության կողմից»,- ասել է Ալիևը:
Պատրաստեց՝ Վիկտորյա ԱՆԴՐԵԱՍՅԱՆԸ
