Ամերիկյան հեղինակավոր The Washington Post պարբերականն առանձնացրել է անցնող տարվա 5 ամենաթերագնահատված քաղաքական իրադարձությունները ԱՄՆ-ում, որտեղ տեղ է գտել նաև ԱՄՆ սենատի կողմից հայոց ցեղասպանության բանաձևի ընդունումը:
«Այն բանից հետո, երբ Թուրքիան հարձակում գործեց Սիրիայում ԱՄՆ դաշնակից քրդերի վրա և հաշվի առնելով գնալով խորացող ֆլիրտը Ռուսաստանի հետ՝ Կոնգրեսն առաջին անգամ ցանկություն ցուցաբերեց մեկ դար հետո Թուրքիայի վերաբերմունքը հայերը նկատմամբ որակել որպես ցեղասպանություն: Նման բան արվեց տասնամյակների ու հետո էլի տասնամյակների մերժողականությունից հետո»,- գրում թերթը և նկատում, որ Սպիտակ տունը մշտապես դեմ է արտահայտվել դրան՝ փորձելով պահպանել հարաբերությունները Թուրքիայի հետ, և հիմա էլ Թրամփը հայտարարում է, որ Սենատի բանաձևը չի արտացոլում իրենց դիրքորոշումը:
Թերթը նաև հիշեցնում է, որ Թրամփն առաջին նախագահը չէ, որ խուսափում է կատարվածը ցեղասպանություն կոչել. դեռ 2008թ. իր քարոզարշավի ժամանակ Բարաք Օբաման ասել էր, որ կճանաչի ցեղասպանությունը, բայց նախագահ դառնալուց հետո չարեց դա:
Պարտաստեց՝ Վիկտորյա ԱՆԴՐԵԱՍՅԱՆԸ
