«Երաշխավորության ինստիտուտի պարագայում նորմալ եմ գնահատում, որ մարդիկ երաշխավորությամբ են հանդես գալիս: Բայց սա թող չդառնա քաղաքական քայլ»,-լրագրողների հետ զրույցում այսօր անդրադառնալով Մարտի մեկի գործով մեղադրյալ ՀՀ երկրորդ նախագահ Ռոբերտ Քոչարյանի ազատության համար ստորագրահավաքին մշակույթի եւ արվեստի գործիչների մասնակցությանը, ասաց ԼՀԿ պատգամավոր, իրավաբան Տարոն Սիմոնյանը:
«Այլ բան է, երբ ասում են՝ գտնում ենք, որ քաղաքական հետապնդում է տեղի ունենում, դրա համար նա պետք է ազատ արձակվի»,-նկատեց նա: Տարոն Սիմոնյանի խոսքով. «Եթե այդ անձինք քաղաքական ձեւով են մտնում այս գործընթաց, կարծում եմ՝ մշակույթի մարդիկ պետք է հնարավորինս հեռու պահեն իրենց քաղաքականությունից»:
Լուիզա ՍՈՒՔԻԱՍՅԱՆ
