Դեկտեմբերի 19-ին Լոռու մարզպետ Անդրեյ Ղուկասյանն անցկացրեց քաղաքացիների ընդունելություն, որին մասնակցեց շուրջ 3 տասնյակ բնակիչ մարզի բոլոր տարածաշրջաններից: Այս անգամ ևս հարցերի գերակշռող մասը սոցիալական բնույթի էին, սակայն քիչ չէին նաև համայնքների ղեկավարների և տարբեր պաշտոնյաների անօրինական գործողությունների դեմ ուղղված բողոքի արտահայտությունները: Մարզի ղեկավարն ի պատասխան նշեց, որ Նոր Հայաստանում անպատժելիության մթնոլորտ չի կարող լինել և առաջարկեց համապատասխան բովանդակությամբ դիմումներ ներկայացնել, որոնք կուղղորդվեն իրավապահ մարմիններին:
Մարզի ղեկավարին դիմեցին նաև աշխատանքի տեղավորման, բնակարանային պայմանների բարելավման, անձնական բնույթի և այլ հարցերով:
Ա. Ղուկասյանը հենց տեղում լուծում տվեց ֆինանսական աջակցության վերաբերյալ, ինչպես նաև սոցիալական բնույթի այլ խնդիրների: Մի շարք հարցերի վերաբերյալ մարզի ղեկավարն առաջարկեց համապատասխան բովանդակությամբ դիմումներ ներկայացնել՝ դրանք հանգամանորեն ուսումնասիրելու և օրենքով սահմանված կարգով լուծում տալու նպատակով:
Կարդացեք նաև
ԼՈՌՈՒ ՄԱՐԶՊԵՏԱՐԱՆ
