Այսօր, տարին ամփոփելու նպատակով, մարզպետարանում ասուլիս հրավիրած Արարատի մարզպետ Գարիկ Սարգսյանից լրագրողները հետաքրքրվեցին՝ ինչպիսի՞ իրավիճակ է Արարատի մարզպետարանում, կա՞ն հեղափոխությանը դիմադրողներ, ինչպես որ կառավարության՝ դեկտեմբերի 12-ի նիստում հայտարարեց վարչապետ Նիկոլ Փաշինյանը՝ նշելով, որ պետական ողջ համակարգը դիմադրում է հեղափոխությանը:
Մարզպետն ասաց, որ Արարատի մարզը բացառություն չէ եւ դեռեւս կան դիմադրող օջախներ. «Կան աշխատակիցներ, որոնք պետական համակարգում նախկինում աշխատել են ոչ թե աշխատավարձ ստանալու, այլ, այդ դիրքն օգտագործելով, տարբեր մեխանիզմներով հավելյալ եկամուտներ ստանալու համար»:
Նրա խոսքով, նման աշխատակիցների հայտնաբերելիս, որոնք իրենց կառույցի ենթակայությամբ են աշխատում, միջոցներ են ձեռնարկում. «Եթե փոքր է մեղքը, փորձում ենք սկզբի համար խոսակցություն ունենալ ու բռնել այդ ձեռքը կամ խոսել, եթե նպատակահարմար է՝ այլեւս չշարունակի աշխատել, իսկ եթե մեղքը շատ մեծ է, դիմում ենք իրավապահ մարմիններին, որպեսզի քննությունը պարզի, թե նրանք ինչ պատիժ պետք է կրեն»:
Լուսինե ԲՈՒԴԱՂՅԱՆ
