«Առաջնայինը 6%-ը չէ: 6%-ը դեռ շատ կքննարկվի, կվերլուծվի, կփոփոխվի: Պետք է ավելի խորքային վերլուծություն իրականացնել: Ցավում եմ, որ քննարկումները միայն 6%-ի շուրջ են»,-լրագրողների հետ զրույցում այսօր անդրադառնալով Առողջապահության նախարարության հեղինակած՝ 6% պարտադիր առողջապահական հարկ սահմանվող օրինագծին՝ ասաց ԱԺ առողջապահության եւ սոցիալական հարցերի հանձնաժողովի նախագահ, «Իմ քայլի» պատգամավոր Նարեկ Զեյնալյանը:
«Վստահաբար, առողջապահությունն այս պահին պատրաստ չէ այդ համակարգի ներդրմանը, բայց պետք է սկսել բարեփոխումներ անել, որոնք ուղղված կլինեն հետագայում ապահովագրական համակարգի ներդրմանը»,-համոզմունք հայտնեց Նարեկ Զեյնալյանը:
Լուիզա ՍՈՒՔԻԱՍՅԱՆ
