«Նման ծավալի արարքը հնարավոր չէ կազմակերպել մի քանի հոգով: Նախաքննությունը կբացահայտի մեղավորներին, բայց տրամաբանությունը հուշում է, որ բավականին թվով մարդիկ պետք է որ ներգրավված լինեն, այդ թվում` պաշտոնյաներ»,-լրագրողների հետ զրույցում այսօր անդրադառնալով երեխաների ապօրինի որդեգրման փաստի առթիվ հարուցված քրեական գործին՝ ասաց ԱԺ առողջապահության եւ սոցիալական հարցերի հանձնաժողովի նախագահ, «Իմ քայլի» պատգամավոր Նարեկ Զեյնալյանը:
Նրա բնորոշմամբ՝ երեխաների ապօրինի որդեգրման դեպքերի բացահայտումը եւս մեկ ապացույցն է նախորդ իշխանությունների՝ պետության եւ ազգի հանդեպ ունեցած համապատասխան վերաբերմունքի:
Ինչ վերաբերում է տուժած մայրերի ահազանգին այն մասին, որ ենթադրյալ հանցագործներին օգնել են նաեւ իրավապահ մարմինների աշխատակիցներ, Նարեկ Զեյնալյանը նշեց. «Բոլոր մեղավորները կբացահայտվեն, անգամ եթե թեթեւ առնչություն են ունեցել»:
Հիշեցնենք, որ այս գործով ձերբակալվածների թվում է հայտնի մանկաբարձ-գինեկոլոգ Ռազմիկ Աբրահամյանը:
Կարդացեք նաև
Նարեկ Զեյնալյանը նաեւ վստահեցրեց՝ նոր Հայաստանում նման դեպքերը բացառված են:
Լուիզա ՍՈՒՔԻԱՍՅԱՆ
