Ամանորին ինչպես գիտենք ամենուր լի ու առատ ուտեստներով սեղաններ են: Սակայն չպետք է մոռանալ առողջության և առողջ սնվելու մասին: Ի՞նչ է պետք ուտել և ինչի՞ց հրաժարվել տոնական օրերին, պարզաբանում է բժիշկ-դիետոլոգ Լիդիա Այվազյանը:
– Ի՞նչ խորհուրդ կտաք, ի՞նչ ուտել և չուտել այդ օրերին առողջությանը չվնասելու համար:
– Ես, որպես դիետոլոգ և հասկացող մարդ՝ շատ սահմանափակումներ չեմ անում տոներին, բայց խիստ խորհուրդ եմ տալիս չափաբաժնից ավել չուտել: Օրինակ տեսեք, կարելի է նախաճաշին բլինչիկ ուտել, մի սննդընդունման ժամանակ խոզի բուդ` որևէ աղցանով, (առանց մայոնեզ/թթվասերի) մյուսին ձուկը ջեռոցում բանջարեղենով, փորձել թխվածքի չափը չանցնելով (30-50գ) : Բայց սխալ է նույն սննդընդունման ժամանակ փորձել բլինչիկը, բուդը, բոլոր թխվածքներից, խմել քաղցր հյութեր և այդ ամենի վրա էլ ընկուզեղեն ուտել:
-Կազմվածքը չփչացնելու և չգիրանալու համար ո՞ր ուտեստներից և խմիչքից պետք է հրաժարվել:
Կարդացեք նաև
-Խորհուրդ կտամ հրաժարվել քաղցր ըմպելիքներից առհասարակ: 31-ին խորհուրդ եմ տալիս օրը սկսել սովորական օրվա նման՝ նախաճաշ, ճաշ, որից հետո միջուտեստներ, որ երեկոյան տոնական ընթրիքին շատ քաղցած չլինել: Սեղանի մոտ ընտրեք փոքր ափսե։ Ապացուցված է, որ փոքր ափսեով ակամա ավելի քիչ ենք ուտում։ Կերեք դանդաղ, առջևում ամբոխ գիշերն է: Ալկոհոլի դեպքում հիշեք չափաբաժինների մասին, կանանց՝ 1 բաժին, տղամարդկանց՝ 2 : Հիշեք, շատ քանակությամբ ալկոհոլը համ կալորիական է, համ գրգռում է ախորժակը, իսկ դեսերտին ընտրեք նոր տարվա սիմվոլը՝ մանդարիններ:
-Այս դեպքում ի՞նչ ուտեստներ պետք է պատրաստեն Ամանորին, որպեսզի և չվնասի առողջություն և չգիրացնի:
-Եկեք լավ սովորություն դարձնենք և չպատրաստենք սնունդ 8-10 օրվա համար, այլ նախապես իմանալ հյուրերի քանակը և պատրաստել 1 օրվա տվյալ հյուրերի համար : Ընտրեք համեմատաբար հասարակ ուտեստներ (խառը ուտեստներում սովորաբար ավելի շատ կալորիա է լինում), ընտրեք սպիտակուցները` միս, ձուկ, ծովամթերք, լոբի, անպայման սպիտակուցի կողքին դրեք բանջարեղեն կամ բանջարեղենային աղցաններ` համեմված ձեթով, քացախով, լիմոնով:
Օֆելյա ՊՈՂՈՍՅԱՆ
