Այսօր «Մեդիան հանուն ժողովրդավարության» թեմայով քննարկման ժամանակ, խոսելով տեղեկատվական մանիպուլյացիաների, օրենսդրական ու ինքնակարգավորման մեխանիզմների մասին, «Իմ քայլը» խմբակցության պատգամավոր Գայանե Աբրահամյանն ասաց. «Եթե կեղծ լուրը դեռ կարող ես ապացուցել, որ կեղծ է, մանիպուլյացիան շատ դժվար է ապացուցել: Ֆեյք լուրերի մասով Գերմանիայում քննարկվում է լուծումը, բայց անգամ այնտեղ մանիպուլյատիվ լուրերի մասով փորձում են զերծ մնալ, որովհետեւ շատ վտանգավոր է դատարաններին, իրավապահ մարմիններին տալ այդ լծակը ՝ որոշելու, թե որն է մանիպուլյացիա: Խոսքի ազատության առումով դա իսկապես վտանգավոր է»:
Գայանե Աբրահամյանն ասաց, որ հիմա մենք հիբրիդային պատերազմի մեջ ենք. «Եթե ժամանակին հիբրիդային պատերազմ ասելով՝ հիմնականում հասկանում էինք Ադրբեջանից եւ ընդհանրապես տեղեկատվական այդ հատվածից, պատերազմական իրավիճակից, հակամարտությունից ծնված տեղեկատվական գրոհը, խնդիրները, ապա այսօր մենք ունենք այլ հիբրիդային պատերազմ: Մեդիաները չեն դրանք որոշում, այլ՝ նրանց հետեւում կանգնած քաղաքական ուժերը եւ այն հսկայական ֆինանսական միջոցները, որոնք դրվում են այդ ամբողջն իրականացնելու համար»:
Նա ասաց, որ եթե այդ միջոցներն ուղղվեին իշխանությանը քննադատելուն, չէր նեղվի, մինչդեռ դրա հիմնական թիրախը եւ ամենամեծ խնդիրն այն է, որ դիսկուրս է ձեւավորվում՝ ժողովրդավարական ընկալումների դեմ:
Մանրամասները՝ տեսանյութում:
Կարդացեք նաև
Հռիփսիմե ՋԵԲԵՋՅԱՆ
