«Եթե տնտեսվարողներ կան, որոնք ունեն բազմաթիվ բիզնեսներ, առավել եւս, եթե դրանք խոշոր հարկեր վճարողներ են, տրամաբանորեն այդ ընկերություններում ստուգումներն ավելի հաճախակի են լինում, քան մյուս ընկերություններում»,-այսօր անդրադառնալով ԲՀԿ առաջնորդ Գագիկ Ծառուկյանի այն հայտարարությանը, թե հարկային ստուգումներ միայն իր նկատմամբ են իրականացվում՝ ասաց ՊԵԿ նախագահի տեղակալ Էդվարդ Հովհաննիսյանը: Նա ասաց, որ տնտեսվարողների մոտ թիրախային ստուգումները բացառվում են:
Ըստ նրա, հարկային համալիր ստուգումները պայմանավորված են որոշակի հանգամանքներով. «Մասնավորապես՝ դրա համար նախատեսված է նախնական պլան եւ քրեական գործերով իրականացվող ստուգումներ։ Եթե ստուգումներ ասելով նկատի ունեք հսկողական աշխատանքներ, որոնք իրականացվում են իմ ղեկավարած ստորաբաժանումների կողմից, ապա այդ միջոցառումները գաղտնի բնույթ ունեն եւ չեն կարող հրապարակվել։ Ինչ վերաբերում է ԲՀԿ առաջնորդի կողմից հնչեցրած տեսակետին, թե ստուգումներ իրականացվում են միայն իր նկատմամբ, ապա միանշանակ այդպես չէ։ Ստուգումների իրականացման կարգ գոյություն ունի եւ ցանկացած պահի կամ կամայականորեն հնարավոր չէ, որեւէ տնտեսվարողի նկատմամբ ստուգում իրականացնել։ Դրա համար անհրաժեշտ է համապատասխան օրենսդրական պահանջների առկայություն, որից հետո հնարավոր է լինում ստուգումներ իրականացնել»:
Լուսինե ԲՈՒԴԱՂՅԱՆ
Կարդացեք նաև
