«Իրենց ընկալմամբ՝ խաղաղությունը ՀՀ-ի միակողմանի զիջումներն են: Նման խաղաղության հույս իրենք երբեք չեն կարող ունենալ, եւ թող չունենան: Խաղաղությունը` միասին գալն է այն ընկալման, որ պատերազմը այլևս դրված չէ սեղանին որպես տարբերակ: Քանի դեռ Ադրբեջանը չունի այդ ընկալումը, Մամեդյարովը «թոզ է փչում» մարդկանց աչքին»,-լրագրողների հետ զրույցում այսօր անդրադառնալով Ադրբեջանի ԱԳ նախարար Էլմար Մամեդյարովի այսօրվա հարցազրույցին, որում նա ասում է, թե Արցախյան հակամարտության շուրջ ՀՀ-ն եւ Ադրբեջանն իրականում բանակցում են «Լավրովի պլանի» շուրջ, եւ որ բանակցություններն ընթանում են իրական եւ փուլային կետերի շուրջ, ասաց «Իմ քայլը» խմբակցության պատգամավոր, Ադրբեջանի հարցերով փորձագետ Տաթեւիկ Հայրապետյանը:
https://www.facebook.com/aravot.am/videos/624145208328067/
«Իրականում Ադրբեջանի համար ժողովուրդներին խաղաղության նախապատրաստելու թեզը բավականին խնդրահարույց է: Քանի դեռ Ադրբեջանում դա սուր քննադատության է արժանանում, նշանակում է, որ մեր առաջ քաշած դրույթն առավել իրավացի է՝ որեւէ լուծում չի կարող քննարկվել, քանի դեռ ունենք մարդկային նման միջավայր: Իր հարցազրույցով Մամեդյարովը փաստում է, որ Ադրբեջան համար դժվար է խոսել խաղաղության մասին»,-հավելեց Հայրապետյանը:
Լուիզա ՍՈՒՔԻԱՍՅԱՆ
