Գրող, հրապարակախոս, Խորհրդային շրջանի այլախոհ, քաղբանտարկյալ Մերուժան Հովհաննիսյանը «Ա1+»-ի հետ զրույցում անդրադարձել է Ռոբերտ Քոչարյանի հարցազրույցին, որում վերջինս ասել էր, թե Նիկոլ Փաշինյանի այն լոզունգը, թե Լեռնային Ղարաբաղի հիմնախնդրի լուծումը պետք է բավարարի հակամարտության բոլոր կողմերին, դատարկ, ոչինչ չասող խոսք է, Հովհաննիսյանն ասաց, որ ամենից շատ դատարկաբանում է Քոչարյանը։
«Ինչ վերաբերում է հայոց վարչապետին՝ նա պարզ և հստակ ուզում էր ասել՝ «Խաղաղության միջոցով հարթենք այս կոնֆլիկտը»։ Ինչ վերաբերում է այն հարցին, թե բոլորին պետք է բավարարի, սա բարեկամության ձեռք մեկնել էր մի մարդու, ով թշնամաբար է տրամադրված, բայց անպայման պետք է հեզության ձայնը լսի։ Եվ եթե չլսի, մենք անվերջ զոհեր պետք է ունենանք։ Ի՞նչ եք ասում, չխաղաղվե՞նք»,- հարցադրում արեց Հովհաննիսյանը։
Իսկ Արցախի շուրջ բանակցություններին «Ղարաբաղի ադրբեջանական համայնքի» հնարավոր մասնակցությունը, գրողի կարծիքով, վտանգավոր կլինի հայերիս համար։
Մանրամասները՝ սկզբնաղբյուր կայքում:
