ԲՀԿ պատգամավոր Գեւորգ Պետրոսյանն այսօր լրագրողների հետ ճեպազրույցում դժգոհեց այն հանգամանքից, որ ՍԴ դատավորների համար կամավոր վաղ կենսաթոշակ սահմանող օրինագծի առաջին ընթերցման քվեարկության ժամանակ «Իմ քայլի» 18 պատգամավորներ գրավոր՝ նամակով էին հայտնել իրենց դիրքորոշման մասին: «18 հոգի գործուղման մեջ են եւ կտակ են թողել: Եթե քննարկումներին ներկա չես եղել, հանձնաժողովի նիստին չես մասնակցել, ինչի՞ն ես դեմ կամ կողմ: Անուններ չեմ տալիս, չվերածենք բամբասանքի, բայց ոչնչից տեղյակ չեն, ու կտակ են թողել: Բացակայությունը, իհարկե, հարգելի է»,-նկատեց Գեւորգ Պետրոսյանը:
https://www.facebook.com/aravot.am/videos/419226018954872/
Մեղադրանքին անդրադարձավ «Իմ քայլի» պատգամավոր Բաբկեն Թունյանը: Նա նշեց. «Պարտադիր չէ, որ պատգամավորը ԱԺ լիագումար նիստերին մասնակցի միայն քվեարկելու համար: Իսկ հանձնաժողովում քվեարկելու համար ներկայությունը պարտադիր է: Խորհուրդ կտամ իրենց առաջին համարից սկսած նայեն, թե ով քանի անգամ է մասնակցել հանձնաժողովի նիստերին եւ քվեարկել»:
https://www.facebook.com/aravot.am/videos/1245681258955472/
Կարդացեք նաև
Լուիզա ՍՈՒՔԻԱՍՅԱՆ
