«Իշխանությունն ասում է, թե ՍԴ-ում կա ճգնաժամ: Ինձ հետաքրքիր է, թե ինչ չափման միավորով են դա ասում: Հանրաքվե է անցկացվե՞լ, որից հանրությունը տեղյակ չի եղել, բախտագուշակություննե՞ր, թե հիմք են ընդունել անգործության մատնված Վահե Գրիգորյանի հայտարարությունները»,-ԱԺ ամբիոնից այսօր հայտարարեց ԲՀԿ պատգամավոր Իվետա Տոնոյանը՝ ՍԴ դատավորներին կամավոր վաղ կենսաթոշակի «ուղարկող» օրինագծի քննարկման ժամանակ:
Տոնոյանը միաժամանակ շեշտեց, որ ԲՀԿ-ն ՍԴ անդամներից եւ ոչ մեկի «ֆան» ակումբի անդամը չէ:
«Իշխանությունն ասում է, թե այս օրինագծով ուզում է ՍԴ ճգնաժամը լուծել եւ հանրության վստահությունը չվայելող դատավորներին ուղարկել պատվավոր հանգստի։ Փաստորեն, իշխանությունն ասում է, որ այդ դատավորները վստահություն չեն վայելում, և փոխարենը նրանց պատժեն, 700 միլիոն թոշակ են տալիս եւ հանգստի ուղարկում։ Չեմ կարծում, որ սա մարդասիրական նկատառումներով է արվում»,-նշեց Իվետա Տոնոյանը:
Նրա խոսքով՝ այս օրինագիծը պարզապես իշխանության համար ոչ ցանկալի դատավորներից ազատվելու եւ ՍԴ-ն հեզ ու խոնարհ դատավորներով համալրելու նպատակ ունի:
Կարդացեք նաև
Լուիզա ՍՈՒՔԻԱՍՅԱՆ
