ՄԱԿ-ի Գլխավոր վեհաժողովն ընդունել է բանաձև «Ղրիմի և Սևաստոպոլի, ինչպես նաև Սև և Ազովի ծովերի մի մասի միլիտարիզացման» վերաբերյալ, որին Հայաստանը դեմ է քվեարկել: Բանաձևի ընդունման մասին գրառում է կատարվել ՄԱԿ-ում Ուկրաինայի ներկայացուցչության թվիթերյան էջում:
Նշվում է, որ բանաձևին կողմ է քվեարկել 63, դեմ՝ 19 երկիր (Հայաստան, Ռուսաստան, Բելառուս, Ղրղզստան, Կուբա, Չինաստան, Իրան, Հյուսիսային Կորեա, Վենեսուելա, Նիկարագուա, Սերբիա, Սիրիա, Ֆիլիպիններ, Մյանմար, Լաոս, Զիմբաբվե, Կամբոջա, Սուդան, Բուրունդի), 66 պետություն ձեռնպահ է մնացել:
Բանաձևն առաջարկվել էր Կիևի կողմից և պահանջում է Ռուսաստանից «դուրս բերել զորքերը» թերակղզուց: Բացի այդ Կիևը պահանջում է վերադարձնել ռազմական սարքավորումները և սպառազինությունը, որոնք առգրավվել էր ուկրաինական ռազմանավերից Կերչի նեղուցում:
Պատրաստեց՝ Վիկտորյա ԱՆԴՐԵԱՍՅԱՆԸ
