«Ո՞վ չի հասկանում, որ թոշակի ուղարկելն իրականում կամավոր չէ: Ամբողջ պետական մեքենան լծվել է այդ գործին, եթե կամավոր է, թող իրենք ընտրեն»,-ԱԺ-ում այսօր Սահմանադրական դատարանի դատավորներին կամավոր վաղ կենսաթոշակի «ուղարկող» օրինագծի քննարկման ժամանակ հայտարարեց ԲՀԿ պատգամավոր Գեւորգ Պետրոսյանը: Նրա խոսքով՝ հարց է առաջանում, թե ինչու է թիրախավորվել հենց ՍԴ-ն. «Թող այս գայթակղիչ առաջարկը վերաքննիչ եւ վճռաբեկ ատյանների դատավորներին էլ ներկայացվի, չէ՞ որ նրանք էլ են նշանակվել նախկին իշխանության օրոք: Ինչի նրանք լիակատար վստահություն են վայելո՞ւմ: Մարզպետերին էլ նույնն առաջարկեք»:
Գեւորգ Պետրոսյանը հարցադրում արեց. «Հարկատուներին հարցրե՞լ եք՝ համաձա՞յն են, որ ՍԴ դատավորներին ամսական այդքան թոշակ տան: Վստահ եմ, որ ոչ: Սա անձանց դեմ է ուղղված, որովհետեւ ՍԴ-ն մնացել է միակ անառիկ ամրոցը, որը գրավելով՝ իշխանությունը կարող է ցանկացած նախաձեռնություն կյանքի կոչել, միջազգային պայմանագրեր վավերացնել, այդ թվում՝ չարաբաստիկ Ստամբուլյան կոնվենցիան: ՍԴ-ի այսօրվա կազմը թույլ չի տալիս, որ այդ կոնվենցիան ի կատար ածվի: Ինքնահռչակ ՍԴ նախագահ Վահե Գրիգորյանն է ճգնաժամը…»:
Լուիզա ՍՈՒՔԻԱՍՅԱՆ
