Բու­հե­րում ա­ռար­կա­նե­րի բեռ­նա­թա­փու­մը մայ­րե­նիի հաշ­վին չպետք է ար­վի. «Լու­սա­վոր Հա­յաս­տան» խմ­բակ­ցու­թ­յան պատ­գա­մա­վոր. «Իրատես»

«Ի­րա­տե­սի» զրու­ցա­կիցն է «Լու­սա­վոր Հա­յաս­տան» խմ­բակ­ցու­թ­յան պատ­գա­մա­վոր ՍՐ­ԲՈՒ­ՀԻ ԳՐԻ­ԳՈՐ­ՅԱ­ՆԸ:

–«Բարձ­րա­գույն կր­թու­թյան մա­սին» օ­րեն­քի փո­փո­խու­թյուն­նե­րը լուրջ քն­նար­կում­նե­րի ա­ռիթ են տվել: Այդ մտա­հո­գու­թյուն­նե­րից է, օ­րի­նակ, ռեկ­տոր­նե­րի ընտ­րու­թյան կար­գը փո­փո­խե­լու հար­ցը, հա­յա­գի­տա­կան ա­ռար­կա­նե­րի դա­սա­վան­դու­մը ոչ պար­տա­դիր դարձ­նե­լը: Ինչ­պե՞ս եք վե­րա­բեր­վում այդ փո­փո­խու­թյուն­նե­րին:

-Բու­հե­րում ա­ռար­կա­նե­րի բեռ­նա­թա­փու­մը մայ­րե­նիի հաշ­վին չպետք է ար­վի: Ծրագ­րերն այն­պես պետք է փոխ­վեն, որ ու­սա­նո­ղը հե­տաք­րք­րու­թյամբ սո­վո­րի մայ­րե­նին: Դպ­րոց­նե­րում այն­քան են ծան­րա­բեռ­նում ե­րե­խա­նե­րին, որ նրանք թե­մա­նե­րը չեն հասց­նում ըն­կա­լել, մար­սել: Դպ­րո­ցա­կան ծրա­գի­րը թեթևաց­նե­լու կա­րիք կա, դրա մի մա­սը պետք է բուհ տե­ղա­փո­խել: Ինքս էլ դա­սա­վան­դում եմ բու­հում ու կա­րող եմ վս­տա­հեց­նել, որ բո­լոր ծրագ­րե­րը պետք է վե­րա­նայ­վեն:

Ինչ վե­րա­բե­րում է հա­յա­գի­տա­կան ա­ռար­կա­նե­րի՝ պար­տա­դիր կամ ոչ պար­տա­դիր լի­նե­լուն, հարց է ա­ռա­ջա­նում՝ բու­հե­րը պատ­րա՞ստ են կա­մա­վոր ինչ-որ բան ընտ­րե­լուն, թե՞ քմա­հա­ճույ­քով են ա­ռաջ­նորդ­վե­լու: Մր­ցու­նակ գի­տու­թյուն ու­նե­նա­լու ա­ռու­մով պետք է նշեմ, որ ֆի­նան­սա­վո­րու­մը, ա­յո, մեծ դե­րա­կա­տա­րում ու­նի, մինչ­դեռ գի­տու­թյան ֆի­նան­սա­վոր­ման ուղ­ղու­թյամբ, կար­ծես, ա­ռանց­քա­յին քայ­լեր չեն կա­տար­վում։

Կարդացեք նաև

Բաքվի բանտերում 23 հայ բանտարկյալներ սպասում են իրենց ճակատագրի որոշմանը. Le Figaro

• 14:51 20.09.2024

«Երբեք Արայիկ Հարությունյանի կողմից չեմ լսել, որ տեղի է ունեցել հեղաշրջում, ինչը շեփորահարում են այս իշխանությունները»․ Արթուր Խաչատրյանն՝ Ալեն Սիմոնյանին

• 13:11 10.09.2024

«Կարող է մի օր արթնանաք ու տեսնեք՝ ես չկամ, իմ  վրա ահռելի մեծ ճնշումներ են»․ Ալեն Սիմոնյանը գաղտնազերծում է իր եւ ԱՀ նախագահ Արայիկ Հարությունյանի հեռախոսազրույցները

• 12:18 09.09.2024

-Իսկ ո՞րն է դրա պատ­ճա­ռը, և ե՞րբ պետք է այդ­պի­սի ա­ռաջ­նա­հեր­թու­թյուն որ­դեգ­րի կա­ռա­վա­րու­թյու­նը։

-Մենք հի­մա չենք կա­րող գի­տու­թյան մա­սին մեծ-մեծ խո­սել: Նա­յեք բու­հե­րի աշ­խա­տող­նե­րի աշ­խա­տա­վար­ձե­րը. ժա­մավ­ճա­րա­յին կար­գով աշ­խա­տող ա­սիս­տենտ­նե­րը մար­զե­րի բու­հե­րում ամ­սա­կան 9000 դրամ են ստա­նում, դե ա­րի ու այդ մարդ­կանց ա­սա՝ գնա­ցեք գյուտ ա­րեք, դի­սեր­տա­ցիա պաշտ­պա­նեք, դա ռեա՞լ է: Ի­հար­կե ռեալ չէ: Կար­ծում եմ՝ այս հար­ցի պա­տաս­խա­նը ստա­նա­լու հա­մար պետք է շատ հետ գնալ, հաս­նել մինչև չնո­րոգ­ված, քանդ­վող ման­րա­հա­տա­կով, փայ­տի վա­ռա­րան­նե­րով, ծխա­համ և ու­սու­ցիչ­նե­րի պա­կա­սով դպ­րոց­ներ: Հա­մայ­նք­նե­րում մտա­ծող ե­րե­խա­նե­րի հս­կա նե­րուժ ու­նենք, ո­րը խեղդ­վում է այդ ա­մե­նի մեջ: Սյու­նի­քի մար­զի Գո­րայք հա­մայն­քի դպ­րո­ցում, ինչ-որ մի ծրագ­րի շր­ջա­նակ­նե­րում, մի ե­րի­տա­սարդ ու­սուց­չու­թյուն էր ա­նում: Այդ ըն­թաց­քում Գո­րայ­քի ե­րե­խա­նե­րը սկ­սել էին հաղ­թել օ­լիմ­պիա­դա­նե­րում, բայց ե­րի­տա­սար­դի՝ գյու­ղը լքե­լուց հե­տո այլևս նման ակտիվություն չն­կատ­վեց: Սա մտա­ծե­լու, լր­ջո­րեն մտա­ծե­լու տե­ղիք է տա­լիս:

-ԿԳՄՍ նա­խա­րար Ա­րա­յիկ Հա­րու­թյու­նյա­նի հետ հան­դի­պում պա­հան­ջող ՀՅԴ-ա­կան ե­րի­տա­սարդ­նե­րի նկատ­մամբ ոս­տի­կա­նու­թյու­նը ուժ է կի­րա­ռել ու 24 մար­դու բեր­ման են­թար­կել: Դուք այ­ցե­լել եք նրանց, ա­ջակ­ցու­թյուն հայտ­նել: Ինչ­պե՞ս եք մեկ­նա­բա­նում երևույ­թը:

-Ժո­ղովր­դա­վա­րա­կան ու­ղի բռ­նած երկ­րում ցույցն այդ­պես չեն ցրում: Կար­ծում եմ՝ կա­ռա­վա­րու­թյան ներ­կա­յա­ցու­ցիչ­նե­րը ցու­ցա­րար­նե­րի հետ հան­դիպ­ման պետք է գնա­յին, քա­նի որ ի­րա­վի­ճա­կը գնա­լով պրկ­վում էր: Պետք էր հան­դարտ, խա­ղաղ խո­սել: Ե­թե ես լի­նեի ԿԳ նա­խա­րա­րը, կիջ­նեի, կխո­սեի ցու­ցա­րար­նե­րի հետ, նրանց հետ մի քա­նի հայ­րե­նա­սի­րա­կան երգ կեր­գեի, ու կսկ­սեինք քն­նար­կել ա­ռա­ջարկ­ներն ու հաշ­վի նս­տել դրան­ցից ա­մե­նա­ռա­ցիո­նա­լի հետ:

Զրույ­ցը` Սևակ ՎԱՐ­ԴՈՒ­ՄՅԱ­ՆԻ

Հարցազրույցն ամբողջությամբ՝ «Իրատես» թերթի այսօրվա համարում