Պարոն Ջանջուղազյան, արդյոք արդարացվա՞ծ է Ամանորի միջոցառումների համար պետական բյուջեից հատկացված 271 միլիոն 797 հազար դրամը, հարցին, ֆինանսների նախարարը հարցով պատասխանեց՝ ինչի՞ հետ համեմատած եք ասում գումարները շատ են. «Չնայած այսքան ժամանակ ֆինանսներով զբաղվելու հանգամանքին, դժվարանում եմ ֆինանսական միջոցի չափի վերաբերյալ դատողություն անել»:
Այն դիտարկմանը, թե խոսքն, օրինակ՝ նախորդ տարիների համեմատությամբ է, պարոն Ջանջուղազյանն ասաց. «Շատ կամ քիչ, դժվար է դատողություն անել, կախված է միջոցառումներից՝ ինչի համար, որ նախատեսվում է այդ գումարն օգտագործել: Նախարարի կարծիքով, չպետք է կենտրոնանալ ֆինանսական միջոցների վրա. «Շատ կարեւոր է, թե ինչ արդյունք ենք ակնկալում, ինչի համար է այս կամ այն միջոցառումն իրականացվում, պետք է առաջին պլանում բովանդակությունը դնել, ոչ թե ֆինանսական միջոցները»:
Հիշեցնենք, որ Երեւանի ավագանու դեկտեմբերի 6-ի արտահերթ նիստում քննարկվեց մայրաքաղաքում Ամանորի տոնական միջոցառումների համար նախատեսված գումարը 271 միլիոն դրամով ավելացնելու նախագիծը, որն էլ արժանացավ ավագանու հավանությանը: Մինչեւ այդ Նոր տարվա միջոցառումների համար Երեւանի համայնքային բյուջեից հատկացված էր 54 միլիոն դրամ, որին գումարվեց նաեւ պետական բյուջեից հատկացված 271 միլիոն 797 հազար դրամը:
Կարդացեք նաև
Լուսինե ԲՈՒԴԱՂՅԱՆ
