Վարչապետ Նիկոլ Փաշինյանի խոսքով՝ հեղափոխություն է տեղի ունեցել նաեւ մշակույթի ոլորտում, եւ 700 միլիոն դրամով աճել է մի շարք մշակութային կառույցների ֆինանսավորումը: Այս մասին նա այսօր հայտարարեց ԱԺ ամբիոնից՝ 2020թ.-ի ՀՀ պետական բյուջեի նախագծի քննարկման ժամանակ:
«Այդ մշակութային կոլեկտիվները հարյուր տոկոսով ֆինանսավորվում են պետբյուջեից: Դա նշանակում է, որ նրանք ոչ միայն ձեռք պարզածի կարգավիճակը կարող են հաղթահարել: Անկեղծ ասած՝ տարիներ շարունակ ինձ վիրավորված եմ զգացել եւ որպես անձնական վիրավորանք եմ ընկալել, երբ որեւէ օլիգարխ բացել է օբյեկտ, որեւէ մշակութային կոլեկտիվի հովանավորչական գումար տվել եւ, կներեք, քյաբաբանոցի բացմանը ստիպել մասնակցել, հարցազրույց տալ այն մասին, թե ի՜նչ քյաբաբանոց է բացել այդ բարերարը»,-հայտարարեց Նիկոլ Փաշինյանը:
Նրա խոսքով՝ բյուջեն այնքանով է հեղափոխական, որ մշակութային գործիչներին ազատել է այդ վիրավորանքից. «Իհարկե, սա միջանկյալ լուծում է: Համաշխարհային փորձը պետք է նայենք, որպեսզի մշակույթի այլընտրանքային ֆինանսավորման արժանապատիվ ձեւեր գտնենք»: Հավելենք, որ խորհրդարանն այսօր ընդունել է 2020թ.-ի ՀՀ պետական բյուջեի նախագիծը
Լուիզա ՍՈՒՔԻԱՍՅԱՆ
Կարդացեք նաև
