Լոնդոնում ընթացող շախմատի Grand Chess Tour-ի կիսաեզրափակչում հայկական շախմատի առաջատար Լեւոն Արոնյանը 9:19 հաշվով պարտվել է Դին Լիժենին: Չինացի գրոսմայստերը անցել է եզրափակիչ, որտեղ հաղթողի կոչման համար խաղալու է Մաքսիմ Վաշյե-Լագրավի հետ:
Ֆրանսիացի շախմատիստն իր հերթին թայ-բրեքում պայքարից դուրս է թողել աշխարհի գործող չեմպիոն, նորվեգացի Մագնուս Կարլսենին:
Լեւոն Արոնյանն ու Մագնուս Կարլսենը միմյանց հետ վիճարկելու են 3-րդ տեղի ճակատագիրը: Այսօր շախմատիստները հանգստանում են:
Աշոտ ՀԱԿՈԲՅԱՆ
