«Կուզենայի բարձրաձայնել զինվորական ծառայության ոլորտի մարդկանց երաշխիքների մասին: Մենք հասել ենք ժողովրդավարության այնպիսի աստիճանի, որ կարող ենք մեզ թույլ տալ ոստիկանության ծառայությունում, որը եւս զինվորական ծառայություն է, ունենալու այդ մարդկանց ծառայության երաշխիքներ»,-ԱԺ հերթական նիստում այսօր հայտարարեց «Իմ քայլը» խմբակցության պատգամավոր Վիկտոր Ենգիբարյանը:
«ՀՀ-ում ստեղծել ենք ժողովրդավարության այդ մակարդակը. ոստիկանին մատով կպնողը պետք է պատժվի օրենքով: Արդեն հասել ենք այն աստիճանի, որ ոստիկանին, զինվորին, ԱԻՆ ծառայողին պաշտպանելու կարիք ունենք: Մարդիկ հանրության շահերից բխող ծառայություն են իրականացնում, իսկ խորհրդարանը պետք է այդ ծառայության համար երաշխիքներ ստեղծի: Ոստիկանությանը եւ Արդարադատության նախարարությանը կոչ եմ անում նման օրենսդրական նախաձեռնությամբ հանդես գալ»,-եզրափակեց Վիկտոր Ենգիբարյանը:
Լուիզա ՍՈՒՔԻԱՍՅԱՆ
