«1,5 տարում մենք լուծել ենք մեր առջեւ դրված խնդիրը: Մենք ձեւակերպել ենք ՀՀ նոր ասելիքն Արցախի խնդրի հարցում, եւ ՀՀ եւ Արցախի նոր ասելիքը: Արձանագրել ենք, որ ՀՀ եւ Արցախի ժողովուրդների պատկերացումները կարգավորման գործում նույնական են»,-Կառավարություն-ԱԺ հարցուպատասխանի ժամանակ այսօր անդրադառնալով Արցախյան հակամարտության կարգավորման ներկայիս փուլին՝ հայտարարեց ՀՀ վարչապետ Նիկոլ Փաշինյանը:
Վարչապետի խոսքով. «Ամենակարեւոր արձանագրումն էլ այն է, որ մեր ասելիքն առավել լսելի եւ հասկանալի է դարձել միջազգային հանրությանը: Սրա վկայությունն է այն, որ մեր առաջարկած բանաձեւի վերաբերյալ (նկատի ունի այն, որ հակամարտության լուծումը պետք է ընդունելի լինի ՀՀ-ի, Արցախի եւ Ադրբեջանի ժողովուրդների համար,-խմբ.) ԵԱՀԿ համանախագահողները կամ նրանց գոնե մասը պաշտոնապես արձանագրել են՝ դրա հետ վիճել դժվար է վիճել, այսինքն՝ դա ընդունելի բանաձեւ է»:
Լուիզա ՍՈՒՔԻԱՍՅԱՆ
