Ֆրանսիան ԵԱՀԿ Մինսկի խմբում համանախագահող պետություն է: Լեռնային Ղարաբաղի հակամարտության կարգավորման շուրջ իշխանությունների քաղաքականությունը ինչպե՞ս եք գնահատում, Ֆրանսիան մոտ ապագայում խաղաղ կարգավորման հույսեր ունի՞, հարցրեցինք Հայաստանում Ֆրանսիայի դեսպան Ժոնաթան Լաքոտին:
«Դիտարկում եմ հակամարտության ծանրությունն ու արժեքը Հայաստանի համար, նրա բյուջեի, տնտեսության, բնակիչների, հատկապես այն երիտասարդների համար, ովքեր իրականացնում են երկար, ծանր եւ վտանգավոր զինծառայություն: Սա իրականություն է, որին առնչվում է յուրաքանչյուր հայ ընտանիք: Ֆրանսիան, ԵԱՀԿ Մինսկի խմբի մյուս համանախագահող երկրների հետ համատեղ, ձեռնամուխ է լինում ղարաբաղյան հակամարտության խաղաղ եւ բանակցային լուծմանը: Լեռնային Ղարաբաղի հակամարտությունը չի կարող ունենալ ռազմական լուծում եւ դրա խաղաղ լուծումը պետք է գտնվի բանակցությունների սեղանի շուրջ: Հակամարտության կարգավորումը նշանակալի կլինի տարածաշրջանի համար», ասաց դեսպանը:
Հայաստանում Ֆրանսիայի դեսպան Ժոնաթան Լաքոտի՝ «Առավոտին» տված բացառիկ հարցազրույցը կարդացեք դեկտեմբերի 5-ի տպագիր համարում:
ԷՄՄԱ ԳԱԲՐԻԵԼՅԱՆ
