1, 5 տարի առաջ ՀՀ վարչապետի տիկին Աննա Հակոբյանը կոչով դիմեց հայոց օլիգարխ այրերի տիկնանց` թանկարժեք զգեստներ և զարդեր չկրել, դրանց համար նախատեսված գումարները նվիրաբերել Արմենակ Ուրֆանյանի մոր հիմնադրած Արմենակ Ուրֆանյան ռազմահայրենասիրական հիմնադրամին: Տիկին Հակոբյանի կոչը առավելապես ուղղված էր օլիգարխների տիկնանց:
Այսօր «Կանանց դերը խաղաղության հաստատման հարցում. հնարավորություններ եւ մարտահրավերներ» թեմայով միջազգային համաժողովի ժամանակ Aravot.am-ը տիկին Հակոբյանից հետաքրքրվեց`ի՞նչ արձագանք ստացավ իր կոչը, որքա՞ն նվիրատվություն եղավ եւ ովքե՞ր էին նվիրատուները:
Տիկին Հակոբյանն ասաց, որ տեղեկություններ չունի`ինչ-որ մեկն արձագանքե՞լ է, թե՞ոչ, բայց ինքն արձագանքների չէր էլ սպասում: Իր կոչն այսպես բացատրեց. կոչը`այդ վայրում, այդ կանանց ներկայությամբ արված`միտված էր ցույց տալուն, թե որքան սին կարող են լինել զարդերը, նրանց կուտակած հարստությունը, եթե կա պատերազմ:
Այլ մանրամասները` տեսանյութում
Կարդացեք նաև
Աննա Հակոբյանը նաեւ անդրադարձավ Հայաստանի եւ Ադրբեջանի հասարակություններին խաղաղության պատրաստելուն`կանանց համատեղ ջանքերով եւ ասաց, որ միակողմանի անելը`ժամանակի եւ ռեսուրսի անիմաստ վատնում է. «Եթե հակամարտող կողմերը, ընդունենք երկուսն են, բայց նախաձեռնությունները գալիս են մի կողմից…Հայաստանի ժողովրդին պատրաստել խաղաղության, երբ Ադրբեջանը փակում է իր սիրտն ու հոգին նման նախաձեռնությունների առաջ, անիմաստ է»:
Նա պատմեց «Կանայք հանուն խաղաղության» իր կողմից վարվող արշավի 1,5 տարվա պատմությունը, որի մասին ինքը հայտարարեց Մոսկվայում:
Այլ մանրամասները`տեսանյութում
Նելլի ԳՐԻԳՈՐՅԱՆ
