«Ոստիկանության Կենտրոնի բաժանմունքում այլեւս վարչական ձերբակալված չկա, բոլորը ազատ արձակվեցին, կազմվեցին արձանագրությունները»,- այս մասին քիչ առաջ հայտնեց ՀՅԴ ԳՄ անդամ Արծվիկ Մինասյանը: Ըստ նրա՝ պետք է ճիշտ ըմբռնել երիտասարդների տարած պայքարը, այն՝ ազգային արժեքները մեր երկրում հաստատելու, անխափան թողնելու գործողություն է, եւ ցանկացած անձ, որը ոտնձգություն կձեռնարկի այդ արժեքների նկատմամբ, պատասխանատվության է ենթակա օրենքի ամբողջ խստությամբ:
Հիշեցնենք, որ այսօր նախարար Արայիկ Հարությունյանի հետ հանդիպում պահանջող ՀՅԴ երիտասարդներ էին բերման ենթարկվել ոստիկանություն՝ նախարարության մուտքը փակելու ու նախարարության շենք մտնելու փորձից հետո:
«Եթե կառավարության անդամը՝ կրթության, գիտության եւ այլ ածանցյալներով նախարարը, չի հանդիպում երիտասարդների հետ եւ դրդում է երիտասարդին, որ իր հետ խոսի նաեւ մի քիչ էլ արդեն տղամարդավարի բառապաշարով ու փորձում է պաշտպանվել՝ օգտագործելով իրավապահ համակարգը, այդ անձը նախարար կոչվելու իրավունք չունի»,- ասաց Արծվիկ Մինասյանը:
Կարդացեք նաև
Արփինե ՍԻՄՈՆՅԱՆ
