Նոյեմբերի 29-ին ՀՀ ԱԺ նախագահի տեղակալ Վահե Էնֆիաջյանն ու ԱԺ «Բարգավաճ Հայաստան» խմբակցության պատգամավոր Իվետա Տոնոյանը երթեւեկության գերծանրաբեռնվածության խնդիրն ու դրանից բխող հետեւանքների ու անցանկալի պատահարների մեղմման գործիքակազմը քննարկելու նպատակով հանդիպել են մի խումբ փորձագետների եւ հասարակական կազմակերպությունների ներկայացուցիչների հետ:
Ըստ Վահե Էնֆիաջյանի՝ ավտոտրանսպորտային միջոցների կտրուկ ավելացմամբ պայմանավորված՝ անհրաժեշտ են օրենսդրական եւ իրավական փոփոխություններ:
Մասնակիցները ներկայացրել են մի շարք առաջարկություններ, խոսել Երեւանի մի շարք հատվածներում տիրող այն իրավիճակի մասին, որը վտանգ է ներկայացնում ինչպես հետիոտների, այնպես էլ վարորդների համար:
ԱԺ փոխնախագահը վստահեցրել է, որ ներկայացված փաստերի հիման վրա կիրականացվեն համապատասխան ուսումնասիրություններ եւ ստեղված իրավիճակը շտկելու նպատակով խմբակցությունը պաշտոնական միջնորդագրով կդիմի ՀՀ Ոստիկանապետին ու Երեւանի քաղաքապետին:
Կարդացեք նաև
Պատգամավոր Իվետա Տոնոյանը կարեւորել է վարորդ-հետիոտն համագործակցությունը, անհրաժեշտ է համարել ներմուծել հասարակական հանդուրժողականության ու փոխըմբռնման նոր մշակույթ, որն իր հերթին կնպաստի երթեւեկության կանոնների առավել գրագետ պահպանմանը:
Հանդիպման ավարտին ձեռք է բերվել պայմանավորվածություն՝ նմանատիպ քննարկումները դարձնել ավելի հաճախակի՝ ծագած հարցերին արագ ու արդյունավետ արձագանքելու համար:
ՀՀ Ազգային ժողով
