ՀՀ ԱԳ նախարար Զոհրաբ Մնացականյանի ճեպազրույցի ընթացքում այսօր Aravot.am-ը նրանից հետաքրքրվեց. «Վերջերս հրապարակվեցին փաստաթղթեր, ըստ որոնց՝ Թուրքիան ծրագրել է օդային հարվածներ հասցնել Հայաստանին: Հայկական դիվանագիտական գերատեսչությունն ինչպիսի՞ մեկնաբանություն ունի սրա վերաբերյալ: Նկատենք, որ թուրքական իշխանական մամուլը ոչ թե հերքել է այդ փաստաթղթերի գոյությունը, այլ դրանք հրապարակող՝ գյուլենական շարժման-անդամ լրագրողներին հայտարարել դավաճաններ»:
https://www.facebook.com/aravot.am/videos/756846424742176/
Զոհրաբ Մնացականյանը նախ շեշտեց. «Չեմ կարող հաստատել կամ հերքել այդ հրապարակման իսկությունը: Եթե նման պնդում կա, թուրքական կողմն առաջին հերթին պետք է հայտարարություն անի: Կարիք չունեմ ասելու, որ հարցը լուրջ մտահոգություն է պարունակում: Բայց կրկնեմ, որ առաջին արձագանքը պետք է գա Թուրքիայից»:
Զոհրաբ Մնացականյանը կրկին ընդգծեց, որ հրապարակման փաստաթղթերի արժանահավատության վերաբերյալ որեւէ բան ասել չի կարող, բայց Թուրքիայի կողմից շարունակվող շրջափակումը ՀՀ-ի հանդեպ, հարաբերություններ հաստատելու քայլի բացակայությունը, ռազմական-քաղաքական աջակցությունն Ադրբեջանին Արցախի հարցում արտահայտում են անվտանգային սպառնալիք ՀՀ-ի համար:
Կարդացեք նաև
Լուիզա ՍՈՒՔԻԱՍՅԱՆ
