Ռուսաստանը շարունակում է ակտիվ դերակատարություն ունենալ Լեռնային Ղարաբաղի հակամարտության միջնորդական ջանքերում: Այս մասին ասվում է Ռուսաստանի ԱԳՆ մեկնաբանության մեջ, որը տարածվել է արտգործնախարար Սերգեյ Լավրովի՝ Ադրբեջան կատարվելիք այցի նախօրեին:
Ռուսաստանի արտգործնախարարը պաշտոնական այցով Ադրբեջանում կլինի դեկտեմբերի 2-3-ին:
«Լեռնային Ղարաբաղի հակամարտության կողմերին աջակցելը Ռուսաստանի արտաքին քաղաքականության առաջնահերթությունների շարքում է և գտնվում է Ռուսաստանի նախագահի ուշադրության կենտրոնում: Ելնում ենք նրանից, որ հակամարտությունը կարող է լուծվել բացառապես քաղաքական-դիվանագիտական միջոցներով, կողմերի միջև երկխոսության ճանապարհով: Հետագայում էլ կնպաստենք հասնելու կարգավորման՝ ինչպես ԼՂ կարգավորման հարցով ԵԱՀԿ Մինսկի խմբի համանախագահի կարգավիճակով, այնպես էլ ազգային մակարդակով՝ հաշվի առնելով մեր սերտ բարեկամությունը Ադրբեջանի և Հայաստանի հետ»,- ասվում է մեկնաբանության մեջ:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
